Ai vós, os que pasades sen mirardes,
atendede e dicide
se hai senrazón maior do que esta nova
que coa lingua de Galicia fan Feijoo e o seu goberno!
E sae o conselleiro de Cultura defendendo
o que non ten defensa. Que sabe el
de conflito e de lingüística? Nin res!
El e mais outros
están aí postos polo goberno -nunca mellor
dito!-
mellor lles fose en ocasións calar
a boca! Líbrase entón un de dicir
palabras que denotan que non sabes
nin do que falas!
E logo esoutras
que bota por un cano Ruiz Rivas
mareando perdices e coellos,
perito en converter os enunciados verdadeiros
en restas de palabras nas que locen falsidade ou sen sentido.
Ai que monstros de lóxica e linguaxe
produce a ideoloxía cando coce
en mentes onde a crítica e o rigor non rexen!
Sem comentários:
Enviar um comentário