É preciso dicir que o queremos,
estimamos, amamos, precisamos!
Cómpre xa comprometérmonos
con el perante a xente e as persoas:
as persoas que o queren e o aman
como nós o amamos e queremos;
a xente masa que naceu daquela
que, enganada acaso, del descreu
por si ou por algún dos seus antergos.
É preciso que saiban os perseguidores
que somos moitos os dispostos
a defender un ben que nos define,
arrequece, enriquece e enaltece.
Negámonos a darnos, entregarnos,
vencidos para sempre, como escravos.
Con Castelao e os seus diremos: "Antes
mortos que escravos" ante o mundo.
Pois "Queremos galego!"; non o ïamos
querer...!, que mal nos fixo el? Ningún!
Só a graza de nos pór no mundo
entendéndoo, entendéndonos!
Sem comentários:
Enviar um comentário